फ्रेण्डसिप खबर
Breaking अर्थवाणिज्य आजको ताजा समाचार गृह पृष्ठ बागमती प्रदेश स्थानीय समाचार

खेर जाने मकैका खोस्टाबाट सजावटका सामाग्री

चरिकोट /गाउँघरमा मकैको खोष्टा गाईवस्तुलाई आहाराको रुपमा खुवाउने गरिन्छ । मकैको घोगाको बाहिरी पत्र प्रायः खेर जान्छ । अहिले त्यही खेर जाने मकैकै खोस्टालाई उपयोग गरेर आकर्षक सजावटका सामग्री निर्माण गर्न थालिएको छ ।

घरमै बस्ने महिलाहरुलाई स्वरोजगार बन्नका लागि उद्योग तथा वाणिज्य कार्यालय दोलखा र जनहित चित्रेश्वर बहुउद्देश्यीय सहकारी संस्थाले संयुक्त रुपमा तालिम गराएपछि सामग्री उत्पादन सुरु भएको हो । चरिकोटमा १० दिने तालिमका क्रममा तयार गरिएको सामग्रीले धेरैको नजर तानेको छ ।

मकैको खोष्टाको प्रयोगबाट विभिन्न प्रकारका आकर्षक फूल तयार गरिएको छ । विभिन्न आकारमा बनाइएको फूललाई प्राकृतिक फूल जस्तै बनाएर रङ लगाएपछि थप आकर्षक बनाइएको छ । खोस्टाबाट फूलका गुच्छा, चकटी, टोकरी, साँचो झुण्डाउने (किरिङ) र चप्पल लगायतका सामान बनाएका छन् । तालिमका क्रममा परालबाट जुत्ता र चप्पल पनि तयार गरिएको छ ।

भीमेश्वर नगरपालिका वडा नं. ५ की लोकमाया ठकुरीले पराल र खोस्टाबाट लिएको तालिम आफूहरुका लागि उपयोगी भएको बताइन् । ‘खोस्टाबाट पनि फूल बन्ला र भन्ने लागेको थियो’ उनले भनिन् ‘तालिमपछि अहिले आफैं पो बनाउन सफल भइयो ।’ क्रिष्टल तालिमपछि चुरा, माला, गहना तयार गरिएका छन् ।

जनहित चित्रेश्वर बहुउद्देश्यीय सहकारी संस्थाका अध्यक्ष नवराज न्यौपानेले सहकारीका सदस्यहरुलाई अब व्यवसायीक बनाउन सीपमूलक तालिम दिन थालिएको बताए । अब सदस्यहरुले उत्पादन गरिएका सामग्री सहकारीले खरिद गरिदिने वा बजारीकरणमा सहजीकरण गर्ने भएकाले उत्पादनमा लाग्न आग्रह गरे ।
भीमेश्वर नगरपालिकाकी उपमेयर कमला बस्नेतले अब कसैले पनि तालिम मात्र लिने भन्दा पनि सीप अनुसारका सामग्री उत्पादनमा लाग्नु पर्ने बताउनुभयो । उत्पादनमा लाग्नेहरुलाई नगरपालिकाले थप तालिम र बजारको व्यवस्था गर्ने भन्दै  भीमेश्वर नगरपालिकाले पनि धेरै खालको तालिमहरु दिएको तर थोरैले मात्र व्यवहारमा उतारेको हुनाले मकैको खोष्टाको तालिम फलदायी बनोस उपमेयर बस्नेतले भन्नुभयो ।
तालिम समापन जनहित चित्रेश्वर बहुउद्देश्यीय सहकारी संस्था लि का अध्यक्ष नवराज न्यौपानेको अध्यक्षता र भीमेश्वर नगरपालिकाकी उपमेयर कमला बस्नेतको प्रमुख आतिथ्यतामा भएको थियो । तालिममा भीमेश्वर नगरपालिका वडा नं। ६ का वडाअध्यक्ष नविन लामा, जिल्ला सहकारी संघका महासचिव दिल बहादुर केसी, जेसीजका उपाध्यक्ष इश्वर दहाल, प्रशिक्षक सजना नगरकोटी, प्रशिक्षार्थीहरु यशोदा कुँवर र रुकमाया ठकुरीले मन्तव्य व्यक्त गर्नुभएको थियो ।
साथै फागुन १५ गतेदेखि ७ दिने क्रिष्टलको गहना बनाउने तालिमको समापन पनि आजै गरिएको छ । सो तालिम पनि उद्योग तथा वाणिज्य कार्यालय चरिकोटको आयोजना र जनहित चित्रेश्वर बहुउद्देश्यीय सहकारी संस्था लि।को सहजीकरणमा गरिएको संस्थाका व्यवस्थापक रमेश बस्नेतले जानकारी दिनुभयो ।

याे पढ्न छुटाउनु भयाे की ?

महिलालाई वैदेशिक रोजगारमा पठाउँदा समन्वय गर्छौ : श्रम मन्त्री

Friendship Khabar

हनुमन्तेश्वरमा स्ववियु निर्वाचन प्रक्रिया स्थगित

Friendship Khabar

बाँदर आतंक नियन्त्रणका लागि किसानले बुझाए ध्यानाकर्षण पत्र

Friendship Khabar