काठमाडौँ फाल्गुन १४/नेकपा (एकीकृत समाजवादी) मा आबद्ध वकिलहरुले समाजवादी पेशागत कानुन व्यवसायी संगठन (एसपिएलए) गठन गरेका छन् ।
शनिबार भएको राष्ट्रिय भेलाले
देवेन्द्र सुवेदीको अध्यक्षतामा ८५ सदस्यीय कार्यसमिति गठन गरेको छ । पार्टी विभाजन लगत्तै अरु संगठनहरु विभाजन भए पनि वकिलहरुको संगठन भने विभाजन नगर्ने भनि एसपिएलए गठन गरिएको अधिवक्ता रामकुमार खतिवडाले जानकारी दिए ।
नेकपा (एकीकृत समाजवादी) का अध्यक्षमा माधवकुमार नेपालको प्रमुख आतिथ्यतामा भएको भेलाले एसपिएलएको वरिष्ठ उपाध्यक्षमा दुर्गामोहन श्रेष्ठलाई चयन गरेको छ भने उपाध्यक्षहरुमा विष्णुहरि सापकोटा, श्यामानन्द चौधरी, प्रमोद शाह, विष्णुप्रसाद सापकोटा लगायत छन् ।
त्यस्तै महासचिवमा अम्बरबहादुर राउत चयन भएका छन् भने सचिवहरुमा गोपाल श्रेष्ठ, गुनराज आचार्य, विजय बस्नेत, शिव भुजेल, बुद्धिप्रसाद खरेल लगायत छन् । समितिको कोेषाअध्यक्षमा नारायणप्रसाद पराजुली चयन भएका छन् ।
आउँदो चैत १९ गते हुने नेपाल बारको चुनावलाई प्रभावित पार्ने गरी एसपिएलएले संगठन विस्तारलाई तीव्रता दिने तयारी गरेको छ । राष्ट्रिय भेलामा वरिष्ठतम वरिष्ठ अधिवक्ता कृष्णप्रसाद भण्डारीलाई सम्मान गरिएको थियो । नेपाल बारका पूर्व अध्यक्ष शम्भु थापाले पनि एसपिएलएलाई साथ दिएका छन् ।
Friendship Khabar
विगत डेढ दशकदेखि नेपालको समष्टिगत अर्थतन्त्र, मौद्रिक नीति, वित्तीय सुशासन तथा नीतिगत सुधारका क्षेत्रमा खोजी पत्रकारिता गर्दै।
लेखकका अन्य लेख तथा विश्लेषणहरू arrow_right_altप्रतिक्रियाहरू (२४)
कागजी घोषणा मात्र नहोस्, साना उद्यमी बैंकको ढोका धाउँदा कागजात नपुगेको बहानामा ऋण नपाउने पुरानै रोग दोहोरिनु हुँदैन। ५% ब्याज अनुदान कार्यान्वयन भए साँच्चिकै रोजगारी बढ्छ।
सटीक सुझाव बिदुरजी! राष्ट्र बैंकले यसपटक अनुगमनका लागि छुट्टै अनलाइन ड्यासबोर्ड बनाउने प्रतिबद्धता जनाएको छ।
कृषि प्रशोधन केन्द्रहरूले पनि यो सुविधा पाउने कुरा निकै सराहनीय छ। तराईका शीतभण्डार र तेल मिलहरूलाई तत्काल राहत आवश्यक थियो।
