दिनेश थापा (समर्पण), ठाटिकाध गाउँपालिका ६ दैलेख
छल गरेर छलको परिणाम आउँछ
हेर्नुस त अखबारमा उस्कै नाम आउँछ
संगत यसरी गरियो ठुला बढा संग
लाग्छ एक पीडा अर्को बदनाम आउँछ
आबाश्यक छैन भनेर फालेको पत्थर पनि
कुनैदिन त्यही घरको छानामा काम आउछ
म अँध्यारो हु कसरी आउन सक्छु होला
जब मेरो अस्तित्व सकिन्छ घाम आउछ
कुरा न बुझी हात मैले पनि उठाए मित्र
मेरो हातमा अब अर्कैको लगाम आउँछ
यहाँ दुख्ख पाएकाहरु दुख्ख सम्झिन्छन
दुख्ख दिनेलाई जो कसैको सलाम आउँछ
