चरिकोट/विद्यालय कर्मचारी परिषदले विभिन्न आन्दोलनका कार्यक्रमहरु घोषणा गरेको छ।
परिषदले आज आफ्नो आन्दोलनका कार्यक्रम बारे स्थानीय तहलाई जानकारी दिदै ध्यानाकर्षण गरेको हो।सोही कार्यक्रम बमोजिम दोलखाको वैतेश्वर गाउँपालिकामा पनि परिषदको प्रतिनिधिमण्डल ले ध्यानाकर्षण पत्र बुझाएको छ।कर्मचारी परिषदका नेता शंकर बस्नेत,अध्यक्ष जय तमाङ,सचीव उर्मिला गौतम रिमाल सहितको टोलिले वैतेश्वर गाउँपालिकाका शिक्षा शाखा प्रमुख ऋषिराम ज्ञवालीलाई ध्यानाकर्षण पत्र बुझाएको छ।
विज्ञापनका लागि उपलब्ध
तपाईंको विज्ञापन यहाँ देखिन सक्छ।
ध्यानाकर्षण पत्रमा उल्लेख गर्दै परिषदले निम्न अनुसारका आन्दोलनका कार्यक्रमहरु सार्वजनिक गरेको हो।
१ )मिति २०८२/०१/२१ देखि मिति २०८२/०२/०२ गतेसम्म कालो पट्टी बाँधेर कार्य क्षेत्रमा काम गर्ने
२)२०८२/०२/०४ गतेका दिन ७५३ ओटै स्थानीय तहमा ध्यानाकर्षण पत्र बुझाउने तथा आन्दोलनका बारेमा जानकारी गराउने ।
३)२०८२/०२/०५ गते जिल्लागत आन्दोलन परिचालन समिति गठन गर्ने ।
४)२०८२/०२/०६ शिक्षा विकास तथा समन्वय इकाई ७७ ओटैमा आन्दोलनको जानकारीसहित ध्यानाकर्षण पत्र बुझाउने ।
५)२०८२/०२/०७ गते ७ ओटै प्रदेशमा आन्दोलनको जानकारी तथा ध्यानाकर्षण पत्र सामाजिक विकास मन्त्रालयमा बुझाउने ।
६)२०८२/०२/०९ र १० गते काठमाण्डौ स्थित माइतीघर मण्डलामा सडक आन्दोलनमा सवै उपस्थित हुने र तत्कालै आन्दोलको समीक्षा गरेर दोस्रो चरणको आन्दोलनको रुपरेखा तयार गर्ने ।
प्रतिक्रियाहरू (०)
अहिलेसम्म स्वीकृत प्रतिक्रिया छैन। पहिलो प्रतिक्रिया दिनुहोस्।
Nabin Kumar Khatiwada
विगत डेढ दशकदेखि नेपालको समष्टिगत अर्थतन्त्र, मौद्रिक नीति, वित्तीय सुशासन तथा नीतिगत सुधारका क्षेत्रमा खोजी पत्रकारिता गर्दै।
लेखकका अन्य लेख तथा विश्लेषणहरू arrow_right_alt
