काठमाडौं/नेकपा (एकीकृत समाजवादी) का अध्यक्ष मावधकुमार नेपालले जनु ठाउँमा जातीय विभेद हुन्छ, त्यही ठाउँमा तत्काल प्रतिरोध गर्न निर्देशन दिएका छन् ।
नेपाल दलित मुक्ति संगठनको चौथो केन्द्रीय कमिटीको बैठकमा अध्यक्ष नेपालले एक्काइसो सताव्दीमा पनि छुवाछूत गर्ने जो कसैलाई पनि नछोड्न र तत्काल प्रतिरोध गर्न दिर्नेशन दिएका हुन् । उनले देशको जुनसुकै ठाउँमा पनि छुवाछूत भए दलित मुक्ति संगठनका नेता तथा कार्यकताहरु एक भएर लाग्नुपर्ने उहाँको भनाई थियो ।
अध्यक्ष नेपालले एकीकृत समाजवादीका कुनै सदस्यले जातीय छुवाछूत गरे पार्टीबाट तत्काल निष्कासन गर्ने र सँगसँगै ऐन अनुसार कारवाहीका लागि अगुवाई गर्ने प्रतिवद्धता पनि जनाए । ‘कुनै पनि कम्युनिष्ट कार्यकर्ताले विभेद गर्दैन । जातीय विभेद गर्ने कोही पनि नेकपा (एकीकृत समाजवादी) को नेता र कार्यकर्ता हुन सक्दैनन्, उनले भने, ‘कसैले छुवाछुत गर्न खोजे पार्टीमा उजुरी गर्नुस् । तुरुन्तै कारवाही गर्छाै ।’
उनले सबै दलित नेता तथा कार्यकर्ताहरुलाई काठमाडौं र सदरमुकाम केन्द्रित नहुन निर्देशन समेत दिए । उनले को उम्मेदवार हुन्छ भन्ने भन्दा पनि पार्टीका नेता उम्मेदवार हो भन्ने भावनाले काम गर्न पनि आग्रह गरे । उनले पाँच दलीय गठबन्धन गर्ने अन्तिम तयारी भइरहेको र त्यो आवश्यकता भएकोमा जोड दिए ।
सो बैठकमा सम्मानित नेता झलनाख खनालले वर्गीय विभेद कायम रहिरहेसम्म समाज अग्रगामी दिशातर्फ जान नसक्ने बताए । उनले समाज परिवर्तनका लागि कसैलाई जिम्मा दिने भन्दा आफैं अग्रसर हुनुपर्ने बताए ।
नेता खनालले दलित मुक्तिका लागि समानुपातिक मात्रै नभएर समान हिस्सेदार हुनुपर्नेमा जोड दिए । उनले आगामी मंशिर ४ गते हुने निर्वाचनमा पार्टीले दलित समुदायको प्रतिनिधित्व सुनिश्चित गर्न पार्टीले कुनै कसर बाँकी नराख्ने प्रतिवद्धता जनाए ।
सो बैठकमा पार्टी उपमहासचिव डा. विजय पौडेल, स्थायी कमिटी सद्स्य भवेन्द्र पराजुली, केन्द्रिय सदस्य पार्वती विशुंखे लगातले सम्वोधन गरेका थिए ।
सो बैठकले आगामी मंसिर ४ गते हुने प्रतिनिधिसभा तथा प्रदेशसभाको निर्वाचनमा दलित समुदायको उपस्थितीलाई बलियो बनाउन माग गरेको थियो । सो बैठकले विभिन्न विभागहरुको पूर्णता दिएको छ भने दलित आन्दोलनका विभिन्न समसामयीक विषयहरु पनि पास गरेको छ ।
दलित मुक्ति संगठनका केन्द्रिय अध्यक्ष तथा नेकपा (एकीकृत समाजवादी) पोलिटव्यूरो सदस्य गणेश विश्वकर्माको अध्यक्षतामा पार्टीको केन्द्रीय कार्यालय काठमाडौमा भएको सो बैठकमा केन्द्रिय उपाध्यक्ष दुर्गा परियारले स्वागत गरेकी थिइन् ।
प्रतिक्रियाहरू (०)
अहिलेसम्म स्वीकृत प्रतिक्रिया छैन। पहिलो प्रतिक्रिया दिनुहोस्।
Friendship Khabar
विगत डेढ दशकदेखि नेपालको समष्टिगत अर्थतन्त्र, मौद्रिक नीति, वित्तीय सुशासन तथा नीतिगत सुधारका क्षेत्रमा खोजी पत्रकारिता गर्दै।
लेखकका अन्य लेख तथा विश्लेषणहरू arrow_right_alt
