पुस्कर अधिकारी
माघ-१०, दोलखा
किसान सचेतन बचत तथा ऋण सहकारी संस्था लि.को आयोजन तथा बाग्मती प्रोस्कूनको प्राविधिक सहयोगमा दुईदिने संगठनात्मक विकास तालिम हिजाे बाट शुरु भइ आज सम्पन्न भएको हाे ।
संस्थाका अध्यक्ष श्री प्रविन पाख्रीनको अध्यक्षता तथा वैतेश्वर गाउँपालिका वडा नं. ३ का अध्यक्ष कमल अधिकारीकाे प्रमुख आतिथ्यतामा सम्पन्न भएको हाे।
समाज सुधार समितिको हल लहरेमानेचोकमा आयोजित उक्त तालिम बाग्मती प्रोस्कूनका तालिम, अनुसन्धान तथा विकास विभाग प्रमुख बिमला पुडासैनीले सहजीकरण गर्नु भएको थियो। तालिमले सहकारी संस्थाको संगठनात्मक सुदृढीकरण, सुशासन र प्रभावकारी व्यवस्थापनमा सहयोग पुग्ने अपेक्षा गरिएको छ। तालिममा संस्थाको सञ्चालन समिति, लेखा सुपरिवेक्षण समिति, विभिन्न उपसमितिका सदस्यहरू तथा कर्मचारीहरू गरी जम्मा २८ जनाको सहभागिता रहेको थियो भने सहभागीहरुलाई प्रमुख अतिथि अधिकारीले प्रमाणपत्र वितरण गरेका थिए ।
जिल्ला सहकारी संघ दोलखाका लेखा संयोजक पुष्कर कुमार दाहाल, बाग्मती प्रोस्कूनका तालिम अनुसन्धान तथा विकास विभाग प्रमुख बिमला पुडासैनी तथा जनजागरण साकोसका उपाध्यक्ष लोकबहादुर तामाङ विशेष अतिथिका रूपमा सहभागी रहनु भएको थियो। अन्य अतिथिहरूको समेत उपस्थिति रहेको थियो।
Kedar Dahal
विगत डेढ दशकदेखि नेपालको समष्टिगत अर्थतन्त्र, मौद्रिक नीति, वित्तीय सुशासन तथा नीतिगत सुधारका क्षेत्रमा खोजी पत्रकारिता गर्दै।
लेखकका अन्य लेख तथा विश्लेषणहरू arrow_right_altप्रतिक्रियाहरू (२४)
कागजी घोषणा मात्र नहोस्, साना उद्यमी बैंकको ढोका धाउँदा कागजात नपुगेको बहानामा ऋण नपाउने पुरानै रोग दोहोरिनु हुँदैन। ५% ब्याज अनुदान कार्यान्वयन भए साँच्चिकै रोजगारी बढ्छ।
सटीक सुझाव बिदुरजी! राष्ट्र बैंकले यसपटक अनुगमनका लागि छुट्टै अनलाइन ड्यासबोर्ड बनाउने प्रतिबद्धता जनाएको छ।
कृषि प्रशोधन केन्द्रहरूले पनि यो सुविधा पाउने कुरा निकै सराहनीय छ। तराईका शीतभण्डार र तेल मिलहरूलाई तत्काल राहत आवश्यक थियो।
