केदार दहाल
दोलखा, असार ३२ – हालै सार्वजनिक भएको माध्यमिक शिक्षा परीक्षा (एसईई) २०८१ को नतिजामा दोलखा जिल्लाबाट उल्लेखनीय सफलता हासिल गर्ने विद्यार्थीहरू र उत्कृष्ट शैक्षिक परिणाम दिन सफल शिक्षकहरूलाई एक विशेष सम्मान तथा पुरस्कार वितरण कार्यक्रममार्फत सहिद स्मृति आवासीय माविले नगद सहित सम्मान गरेको छ।
एसईई परिक्षा २०८१ मा जिल्ला प्रथम, द्वितीय र तृतीय स्थान हासिल गर्ने विद्यालय र विद्यार्थीलाई क्रमश: सहिद स्मृति आवासीय मावि जिरी, जेम एकेडेमी जिरी र सरस्वती मावि जिरी बाट सुरज केसी, ऋषि शाह र केशब कुमार न्याैपानेलाई क्रमशः तीस हजार, पन्ध्र हजार र आठ हजार नगद सहित सम्मान पत्रले सम्मानित गरिएको हो। उनीहरूले जिल्लाकै उत्कृष्ट GPA क्रमशः ३.९५, ३.९३ र ३.९० ल्याइ गौरवान्वित बनाएका थिए । त्यसैगरी ३.६० भन्दा माथि ल्याउने आवासीय माविका ११ जना विद्यार्थीलाई नगद रु चार हजारका दरले सम्मान गरिएको थियाे । साथै उकृष्ट नजिता ल्याएर सफल हुनु भएका अन्य १० जना विद्यार्थी हरुलाई पनि सम्मान पत्र द्वारा सम्मान गरिएको थियो !
विज्ञापनका लागि उपलब्ध
तपाईंको विज्ञापन यहाँ देखिन सक्छ।
कार्यक्रममा एसईई परीक्षा बि एल इ मा आफ्नो विषयमा शतप्रतिशत नतिजा ल्याउन सफल शिक्षकहरूलाई पनि नगद रु पाँच हजार र सम्मानपत्र तथा दोसल्ला ओढाएर सम्मान गरिएको थियो। उनीहरूले विद्यार्थीहरूलाई निस्वार्थ परिश्रमका साथ पढाइ दिई उत्कृष्ट परिणाम निकाल्न सफल भएको आयोजक पक्षले जनाएको छ।
कार्यक्रमका प्रमुख अतिथि, विशिष्ट अतिथि लगायत अन्य अथितिले शिक्षा क्षेत्रमा समर्पित शिक्षक र मेहनती विद्यार्थीहरूले आगामी दिनमा पनि जिल्लाको शैक्षिक छवि उजागर गर्ने विश्वास व्यक्त गरेका थिए ।
प्रतिक्रियाहरू (०)
अहिलेसम्म स्वीकृत प्रतिक्रिया छैन। पहिलो प्रतिक्रिया दिनुहोस्।
Kedar Dahal
विगत डेढ दशकदेखि नेपालको समष्टिगत अर्थतन्त्र, मौद्रिक नीति, वित्तीय सुशासन तथा नीतिगत सुधारका क्षेत्रमा खोजी पत्रकारिता गर्दै।
लेखकका अन्य लेख तथा विश्लेषणहरू arrow_right_alt
