काठमाडौं/श्रम रोजगार तथा सामाजिक सुरक्षा मन्त्री शेरबहादुर कुँवरले महिलाहरुलाई कामको लागि विदेश पठाँउदा सम्बन्धित निकायसँग समन्व्य गरेर मात्रै पठाउँन पहल गर्ने बताएका छन् ।
कामका लागि विदेश गएका महिलाहरुले धेरै समस्या पाएको गुनासो मन्त्रालयमा आएकाले आफुले यस विषयमा राम्रोसँग बुझेर पहल गर्ने बताएका हुन् ।बिहीबार मन्त्रालयमा अखिल नेपाल महिला संघ (समाजवादी) को बधाई तथा शुभकामनाम दिन पुगेको टोलीसँग कुरा गर्दै मन्त्री कुँवरले वैदेशिक रोजगारिमा जाने महिलाहरुलाई समस्या नहोस् भनेर विभिन्न पक्षसँग छलफल गर्नुपर्ने आवश्यकता रहेको बताए । उनले महिलाले विदेशमा दुख पाउँदा देशकै नाम मुछिने भएकाले आफुहरुले सम्बन्धित पक्षसँग छलफल गरेर मात्रै उनीहरुलाई विदेश पठाउँन पहल गर्ने बताएका छन् ।
उनले भने, ‘हामीले महिलाहरुलाई विदेश पठाउँनै पर्ने भए महिला मन्त्रालय, विभिन्न समुह, सञ्जाल, र पार्टीका महिला भातृ संगठनसँग सर सल्लाह गर्नेछौं । त्यसो गरेन भने समाजवादीको मन्त्री आए महिलालाई विदेश पठाएर समस्या भयो भन्ने गुनासो आउन सक्छ ।’
बधाई तथा शुभकामना दिदैं अनेमसंघ समाजवादीका अध्यक्ष जयन्ती राईले वैदेशिक रोजगारीमा गएका महिलाका समस्या र जान भइरेका केही झन्झटीला प्रक्रियाका बारेमा मन्त्री कुँवरलाई जानकारी गराएकी थिइन् । उनको कुरा सुनेसकेपछि मन्त्री कुँवरले महिलाले भोगेका समस्या समाधानका लागि सबैको साथ पाएर आगाडी बढ्ने प्रतिबद्धता व्यक्त गरे । साथै उनले यस्ता समस्या आफु एक्लैले गरेर समाधान नहुँने भएकाले महिला संगठनसँग पनि साथ र सहयोगको अपेक्षा गरेको बताएका थिए ।
Friendship Khabar
विगत डेढ दशकदेखि नेपालको समष्टिगत अर्थतन्त्र, मौद्रिक नीति, वित्तीय सुशासन तथा नीतिगत सुधारका क्षेत्रमा खोजी पत्रकारिता गर्दै।
लेखकका अन्य लेख तथा विश्लेषणहरू arrow_right_altप्रतिक्रियाहरू (२४)
कागजी घोषणा मात्र नहोस्, साना उद्यमी बैंकको ढोका धाउँदा कागजात नपुगेको बहानामा ऋण नपाउने पुरानै रोग दोहोरिनु हुँदैन। ५% ब्याज अनुदान कार्यान्वयन भए साँच्चिकै रोजगारी बढ्छ।
सटीक सुझाव बिदुरजी! राष्ट्र बैंकले यसपटक अनुगमनका लागि छुट्टै अनलाइन ड्यासबोर्ड बनाउने प्रतिबद्धता जनाएको छ।
कृषि प्रशोधन केन्द्रहरूले पनि यो सुविधा पाउने कुरा निकै सराहनीय छ। तराईका शीतभण्डार र तेल मिलहरूलाई तत्काल राहत आवश्यक थियो।
