केदार दहाल
दोलखाको जिरी नगरपालिका स्तरिय पाँचौ राष्ट्रपति रनिङ शिल्ड प्रतियोगिताको उपाधी लगातार चौथो पटक सहिद स्मृति आवासीय माविले जितेको छ ।
जिरी माविको व्यवस्थापनमा जिरी नगरपालिकाले आयोजना गरेको प्रतियोगितामा १३ स्वर्ण, ५ रजत र ५ कास्य गरी २३ पदकका साथ सहिद स्मृति आवसिय माविले उपाधी हात पारेकाे हो । त्यसैगरि प्रतियोगितामा बौद्धभुवनेश्वरी माविले ७ स्वर्ण, ७ रजत र ५ कास्य गरी १९ पदकका साथ आफूलाई दोस्रो स्थानमा र जिरी माविले ६ स्वर्ण, ६ रजत र १ कास्य गरी १३ पदक सहित तेस्रो स्थानमा रहन सफल भएकाे छ।
प्रतियोगितामा प्रथम, दाेश्राे र तेश्राे हुनेलाई क्रमश ३० हजार, २० हजार र १० हजार नगदसहित शिल्ड, मेडल र प्रमाणपत्र पाएका छन् । विजेता तथा खेलाडीहरुलाई नगरपालिकाका प्रमुख मित्र बहादुर जिरेल, उपप्रमुख कृष्णमाया बुढाथोकी खड्का, जिरी मावि विद्यालय व्यवस्थापन समितिका अध्यक्ष केशव कुमार कार्की लगायतले पुरस्कार वितरण गर्नुभएको थियो ।
यही पौष ९ गतेबाट जिरी माविमा सुरु भएको राष्ट्रपति रनिङ शिल्ड प्रतियोगिताको प्रतिनिधिसभा सांसद गंगा कार्कीले उद्घाटन गर्नुभएको थियो । प्रतियोगितामा जिरी नगरपालिकाभित्रका ९ वटा विद्यालयको सहभागिता रहेको थियो ।
