चरिकोट/२२ औं निजामती दिवसकाे अवसरमा आयाेजित फुटसल प्रतियोगिताकाे उपाधी गाैरीशंकर गाउँपालिकाले जितेको छ ।
कर्मचारी मिलन केन्द्र दाेलखाले आयोजना गरेकाे फुटसलकाे आइतबार भएको फाइनल खेलमा कालिञ्चाेक गाउँपालिकासँग गाेल रहित बराबरी भएपछि टाइब्रेकरमा पेनाल्टीमा ४:२ गाेलमा गाैरीशंकरले जितेको हाे । गाैरीशंकर गाउँपालिकाकाे प्रमुख प्रशासकीय अधिकृत रिजेश उपरकाेटी नेतृत्वको टिमले खेलेको हाे ।
‘व्यावसायिक र सिर्जनशील प्रशासन : विकास, समृद्धि र सुशासन’ भन्ने नारा २०८२ काे तय भएको थियाे ।
२०६१ सालदेखि निजामती दिवस मनाउन थालिएको हाे । कर्मचारी मिलन केन्द्र दाेलखाले विभिन्न कार्यक्रम गरि दिवस बनाएको हाे । फुटसलका विजेता सहित उत्कृष्ट कर्मचारीलाई प्रमुख जिल्ला अधिकारी भाेला दाहालले पुरस्कार वितरण गरेका थिए ।
