चरिकोट/ दोलखा सदरमुकाम चरिकोटमा “वन वातावरण तथा जलवायु परिवर्तन विषयक” कविता वाचन प्रतियोगिता सम्पन्न भएको छ।
“उत्पादन,रोजगार र सम्बृद्दिका लागी बन ब्यबस्थापन” भन्ने नाराका साथ
सामुदायिक वन दिवसको अवसरमा आयोजित कार्यक्रम डिभिजन वन कार्यालय दोलखाको सहकार्यमा सामुदायिक बन उपभोक्ता महासंघ नेपाल जिल्ला महासंघ दोलखाले आयोजना गरेको हो ।
कविता प्रतियोगितामा राईजिङ स्टार स्कुलकी छात्रा विपाशा खड्का प्रथम,पशुपति कन्या माविका छात्रा गंगा गाैतमले द्वितिय,कुटीडाँडा माविका छात्रा रिमना कार्की तृतीय र कालिञ्चोक माविकि छात्रा सिवानी श्रेष्ठले सान्त्वना स्थान हासिल गरेका थिए।
विजयी प्रतियोगीहरुलाई कार्यक्रमका प्रमुख अतिथि भीमेश्वर नगरपालिकाका नगरप्रमुख ईश्वर मानन्धरले क्रमशःतीन हजार, दुई हजार पाँच सय,एक हजार पाँच सय र एक हजार रुपैयाँ नगद सहित प्रमाणपत्र वितरण गरिएको थियो ।
सामुदायिक वन उपभोक्ता महासंघ दोलखाका अध्यक्ष जगन्नाथ बस्नेतको अध्यक्षतामा भएको कार्यक्रममा,प्रमुख अतिथि नगर प्रमुख मानन्धर,डिभिजन बन कार्यलय दोलखाका प्रमुख थिर बहादुर कार्की लगायतले शुभकामना मन्तव्य व्यक्त गर्नुभएको बन महासंघ दोलखाकि सचीव सविना आचार्यले जानकारी दिनुभयो।सामुदायिक बन दिवसको अवसरमा सप्ताह व्यापी कार्यक्रम चलिरहेको छ जस अनुसार श्रावण २५ गते भिमेश्वर नगरपालिका को च्यासे भगवते सामुदायिक बनमा बृक्षारोपण गरिएको समेत गरिएको सचीव आचार्यले जानकारी दिनुभयो।