वैतेश्वर/ दाेलखाको वैतेश्वर गाउँपालिकामा नेपाल रेडक्रस सोसाइटी दोलखा शाखाद्वारा आयोजित माध्यमिक विद्यालय स्तरिय हाजिरी जवाफ प्रतियोगितामा हनुमन्तेश्वर माविले प्रथम स्थान हाँसिल गरेको छ ।
जनज्योति मावि वैतेश्वर -२ पुतलिकाठमा आयोजना गरेको प्रतियोगितामा कालिका मावि दोस्रो, कालिढुङ्गा मावि तेस्रो र वैतेश्वर माविले सान्त्वना स्थान हाँसिल गर्न सफल भएका हुन् । वैतेश्वर गाउँपालिकाका ७ वटा माध्यमिक विद्यालयहरुले सहभागिता जनाएको प्रतियोगिताका विजेता विद्यार्थीहरुलाई नेपाल रेडक्रस सोसाइटी दोलखा शाखाका सभापति इश्वरि दहालले नगद पुरस्कार तथा प्रमाण पत्र वितरण गरेका थिए ।
