काठमाडौ/नेकपा एमाले दाेलखाबाट एकल सिफारिसपछि पवटीकाे सुन्तला काेसेली बाेकेर केन्द्रीय सदस्य पार्वत गुरूङले अध्यक्ष केपी ओली भेट्न पुगे । गुरूङले भेटेकाे भाेलीपल्टै इतर पक्षका बालकृष्ण शिवाकोटीले पनि अध्यक्ष ओली भेटेका छन् ।
ओलीलाई भेट्न प्रतिनिधि सभाका आकाक्षी उम्मेदवार बालकृष्ण शिवाकोटी सहितका टाेली पुगेका थिए । टाेलीमा सहभागी एक सदस्यका अनुसार मंगलबार राती लामाे समय समसामयिक विषयमा गहन छलफल र समीक्षा भएको बताए ।
छलफलमा अध्यक्ष ओलीले उमेदवार हुन आकाक्षी हुँदा हुँदै बलमिचाइ गरेर एकल नाम सिफारिस ल्याएकोमा तमासा गरे भनी सकेको जानकारी दिए । एक क्षेत्र एकभन्दा बढी आकाक्षी हुँदा सिफारिस गर्ने अधिकार मात्रै जिल्लामा भएको तर निर्णयकाे अधिकार केन्द्रमै रहेको ओलीले बताएका थिए । ´चित्त नबुझेको विषयमा गुनासाे गर्ने माथिल्लो निकाय छ` अध्यक्ष ओलीले भने ´यही कुरा बाहिर मिडियामा भन्दै हिड्ने र राजिनामा दिने कुरा झन राम्रो भएन ।` लेटरप्याडमा कसैको नाम आउँदैमा अन्तिम हुँदैन । त्याे मात्रै हेरिन्न सुचना सञ्चार माध्यममा आएका पनि हेरिन्छ । राजिनामा खारेज भयाे आफ्नो काममा लाग्नुस् उनले भने ।
अध्यक्ष ओलीले जिल्लामा विवाद भएपछि दुईलाई झगडा गराएर मैले पाउँछु भन्ने कसैलाई लागेको हुन सक्छ दाेलखाली बाठा छन्, भन्ने अध्यक्षले भनेका थिए ।
´आकाँक्षि काे काे थिए? हामी ति सबै नाम अगाडि राखेर छलफल गर्छाैँ। पार्वतले जित्ला कि? वालकृष्ण जित्ने उम्मेदवार हाे कि ? रचना जि काे पनि ईच्छा छ भन्ने सुनेकाे छ, वहाँले जित्न सक्नु हुन्छ कि? श्याम बस्नेत जि पनि हुनुहुन्छ। याे निर्णय म एक्लै गर्दिन । हाम्राे कमिटिले छलफल गरेर टुङ्ग्याउँछ।` अध्यक्ष ओलीले भनेको कुरा ती सदस्यले जानकारी दिए ।
बालकृष्ण शिवाकोटी २०७९ का प्रतिनिधि सभा निर्वाचनमा नेकपा माओवादी र नेपाली काँग्रेस सहितको गठबन्धनमा ३१५ मतान्तरले पराजित भएका थिए । शिवाकोटीसँग केपी ओली भेट्न मेलुङ गाउँपालिका अध्यक्ष हिराकुमार थाेकर, पार्टी उपसचिव हरि ओली, सचिवालय सदस्य गणेश शिवाकोटी, जिल्ला कमिटी सदस्य श्यामसुन्दर शिवाकोटी लगायत पुगेका थिए ।
