केदार दहाल
दाेलखा माघ -२/ नेकपा दोलखाको आज बसेको बैठकले आगामी निर्वाचनलाई लक्षित गर्दै राजनीतिक कमाण्डर र निर्वाचन परिचालन समिति गठन गरेको छ।
बैठकले आगामी फागुन २१ गते हुने निर्वाचनका लागि नेता गंगा कार्की ‘विश्व’ लाई राजनीतिक कमाण्डरको जिम्मेवारी दिएको छ भने भीमप्रसाद दाहाललाई निर्वाचन परिचालन समितिको संयोजक र भरत प्रसाद दुलाल तथा होम पाठकलाई सह–संयोजकको जिम्मेवारी प्रदान गरेको छ।
कार्की पुर्व प्रतिनिधि सभा सदस्य हुन भने संयोजक दाहाल नेकपा एकीकृत समाजवादी पृष्ठभूमिबाट आएका नेता हुन् साथै सह–संयोजक दुलाल र पाठक हालै एमाले परित्याग गरी नेकपामा प्रवेश गरेका नेता हुन्। बैठकले दाहालको संयाेजकत्वमा ७५१ सदस्यीय निर्वाचन परिचालन समिति गठन गर्नुका साथै ५१ सदस्यीय सचिवालय समेत निर्माण गरेको छ।
