प्रविण कुमार खतिवडा/दोलखा ।
जिल्ला सहकारी संघ, दोलखा २०७८ को उत्कृष्ट सहकारी संघ घोषणा भएको छ । राष्ट्रिय सहकारी महासंघले ६५ औं राष्ट्रिय सहकारी दिवसका अवसरमा चैत्र १९ गते शनिवार काठमान्डौमा आयोजित कार्यक्रममा उत्कृष्ट सहकारी संघ उद्घोष गरी पुरस्कृत गर्ने घोषणा गरेको हो । उक्त पुरस्कार सहकारी महासंघले अन्तर्राष्ट्रिय सहकारी दिवसको अवसरमा प्रदान गर्नेछ ।
जिल्ला सहकारी संघ दोलखा विगतमा विभिन्न सहकारी संग सम्बन्धित निकायहरुबाट पुरस्कृत हुदै आएको छ । दोलखा जिल्लाका सहकारीहरुको छाता संगठनको रुपमा २०५० साल भाद्र ४ गते स्थापना भएको जिल्ला सहकारी संघ दोलखाले आफ्नो क्षेत्रभित्रका सहकारीहरुको बृद्धी र विकासमा सहयोग गदै आएको छ । साथै संघले बचत संकलन तथा कर्जा लगानीको समेत कार्य गरी दोलखा जिल्लाका सहकारीहरुलाई सेवा दिदै आएको छ ।