असोज १३/सामुदायिक रेडियोहरुको विश्व सङ्गठन (अमार्क) एसिया प्यासिफिकको उपाध्यक्षमा सुवास खतिवडा निर्विरोध निर्वाचित हुनुभएको छ।
सामुदायिक रेडियो प्रसारक संघ अकोराबका पूर्व केन्द्रिय अध्यक्ष तथा समाजवादी प्रेस संगठन नेपालका सल्लाहकार खतिवडा अमार्कको एसिया प्यासिफिक उपाध्यक्षमा निर्विरोध निर्वाचित हुनुभएको हो।
नेपालमा सामुदायिक रेडियोहरुको अग्रज,अझै पनि रेडियो नै जनताको पहुँचको सर्वसुलभ सञ्चारमाध्यम भनेर वकालत गरिरहनु भएका खतिवडा रेडियो धादिङ १०६ मेगाहर्ज धादिङका अध्यक्ष समेत हुनुहुन्छ ।
