केदार दहाल
दोलखा/राष्ट्रिय प्राकृतिक स्रोत तथा वित्त आयोगले गरेको कार्य सम्पादन मूल्यांकनमा दोलखाको दुई नगरपालिका मध्ये जिरी र सात गाउँपालिका मध्ये वैतेश्वरले सबैभन्दा बढी अंक पाएका छन् ।
कार्यसम्पादन मूल्यांकनका आधारमा जिरी नगरपालिकाले सबैभन्दा बढी ४२.८० प्रतिशत अंक र वैतेश्वर गाउँपालिकाले ३६.३६ प्रतिशत अंक प्राप्त गरेका छन् भने समग्र जिल्लाका स्थानीय तहहरु मध्ये भिमेश्वर नगरपालिकाले ३८.९४ प्रतिशत अंक प्राप्त गरेर दाश्राे र वैतेश्वर तेश्राे भएको छ ।
आयोगले प्रदेश तथा स्थानीय तहको कार्यसम्पादन मुल्यांकन कार्यबिधि २०७८ को दफा ७ को अधीनमा रही आयोगले प्रदेश तथा स्थानीय तहको लागि निर्धारण गरिएका कार्यसम्पादन सुचकको मुल्यांकन गरी अंक प्रदान गर्ने गरेको छ । आगामी आर्थिक वर्ष २०८०/०८१ मा संघीय सरकार, प्रदेश र स्थानीय तहलाई प्रदान गर्ने वित्तीय समानीकरण अनुदान दिनका लागि आयोगले विभिन्न सूचकका आधारमा स्थानीय तहहरुको मुल्यांकन गरेको हो । आयोगले गत आर्थिक वर्ष २०७९/०८० मा स्थानिय तहहरुले गरेको खर्च, बेरुजु, लेखा परीक्षणले औँल्याएको बेरुजु, स्थानीय सञ्चित कोष व्यवस्था प्रणालीको प्रयोग, आवधिक योजना गरे/नगरेको, राजस्वको विभाजन गरे/नगरेको लगायतका सूचकमा मूल्याङकन गर्ने गर्दछ ।
