पुष्कर अधिकारी
मैनापोखरी/दोलखाको बैतेश्वर गाउँपालिका वडा नं. ३ का ९५ वर्षिय कृष्ण बहादुर बस्नेतको भिरबाट लडेर मृत्यू भएको छ । गत शुक्रबार देखी परिवारको सम्पर्कमा नरहेका बस्नेत आइतबार बिहाना बैतेश्वर गाउँपालिका वडा नं २ देउलीटार स्थित कर्कले गुफा नजिकैको छरछरे भिरमा मृता फेला परेका हुन ।
बैशाख १ गते दिउँसो करिब ११ बजेतिर घरबाट निस्किएका बस्नेत साझसम्म घर नफर्के पछि आफन्त तथा छरछिमेकीले उनको खोजि कार्य थालेका थिए । तर खोज्दै जानेक्रममा आइतबार बिहान मात्र उनलाई मृत अवस्थामा फेला पारिएको वैतेश्वर गाउँपालिका वडा नं. ३ का वडा अध्यक्ष कमल अधिकारी ले जानकारी दिए ।
बस्नेतको लास वैतेश्वर गाउँपालिका वडा नं. २ स्थित कर्कले गुफा नजिकैको छरछरे भिरमा अड्किएको अवस्थामा फेला पारिएको हो ।
