सुनखानी/दोलखाको कालिञ्चाेक गाउँपालिका भित्र रहेका सहकारी सञ्चालकहरूकाे भेलाले कालिञ्चाेक गाउँपालिका सहकारी सञ्जाल गठन गरेकाे छ ।
गाउँपालिका भित्र विभिन्न उद्देश्यका सञ्चालित ५६ सहकारी संस्थाहरू रहेका छन।आनन्ददायक बहुउद्देश्यीय सहकारी संस्थाका काेषाध्यक्ष प्रेमलाल शिवाकोटीकाे अध्यक्षतामा ११ सदस्यीय सहकारी सञ्जाल गठन भएको हाे । जिल्ला सहकारी संघ दाेलखाका महासचिव दिलबहादुर केसीकाे अध्यक्षतामा भएकाे भेलाले उपाध्यक्षमा छलिमाया थामी, सचिव चित्रबहादुर खड्का, काेषाध्यक्ष नारायण रेग्मी चयन भएका छन् । सञ्जालकाे सदस्यहरूमा कमल कार्की, निरबहादुर बस्नेत, गुरूप्रसाद खरेल, जगत खत्री, कर्णबहादुर थामी, देवेन्द्र थामी, कल्पना शर्मा रहेका छन् ।
सहकारी अभियानलाई व्यवस्थित र एकअर्का बीच समन्वय गर्न सञ्जाल गठन आवश्यक रहेको जिल्ला सहकारी संघ दोलखाका अध्यक्ष देवी प्रसाद शर्माले जानकारी दिए। सहकारी क्षेत्रकाे नियम र व्यवस्थापनकाे जिम्मेवारी स्थानीय तहलाई संवैधानिक अधिकार भएकोले स्थानीय तहलाई सहयोग गर्न पनि सहकारी सञ्जाल आवश्यक रहेने शर्माको भनाइ रहेको छ।
दाेलखाका ९ वटै स्थानीय तहमा यस्तो सञ्जाल आवश्यक छ । जिल्लाको तामाकोसी गाउँपालिकामा सहकारी सञ्जाल सक्रिय रहेको छ।शैलुङ, मेलुङ र गाैरीशंकर गाउँपालिकामा पनि सहकारी सञ्जाल गठन भएका छन।
