केदार दहाल
साउन-१९, काठमाडौं – ईपीएस कोरिया शाखाले सन् २०२५ को प्रथम चरणको कोरियन भाषा परीक्षाका लागि आवेदन खुल्ला गरेकाे छ। शाखाकाे सुचना अनुसार उत्पादनमुलक क्षेत्र र कृषि तथा पशुपालन क्षेत्रका लागि आवेदन खुल्ला गरिएका हो।
शाखाले भाषा परीक्षामा ५ हजार ३०० काेटाेकाे लागि आवेदन खुला गरेकाे छ। जसमा उत्पादनमुलक क्षेत्रतर्फ ३ हजार ५०० तथा कृषि तथा पशुपालन क्षेत्रतर्फ १ हजार ८०० रहेकाे छ। तर, कोरियामा कामदारको माग अनुसार उत्तीर्ण संख्या थपघट हुन सक्ने पनि लेखिएको छ। यहि साउन २६ गतेदेखि साउन ३१ गतेसम्म आवेदन दिन सकिने छ।
परीक्षाकाे मिति नताेकिएकाेले अर्को सूचना प्रकाशित गरेर परीक्षाको मितिबारे जानकारी गराउने शाखाले जनाएको छ। एक दिनमा बढीमा ५ सिफ्ट गरी परीक्षा सञ्चालन हुने साथै आवेदक संख्याका आधारमा वा अन्य विविध कारण आइपरेमा परीक्षा तालिका फेरबदल वा परिवर्तन पनि हुन सक्ने जनाएको छ। आवेदन दिँदा एक व्यक्तिले एक वटा क्षेत्रमा मात्र दरखास्त फाराम भर्न पाउने उल्लेख छ।
