केदार दहाल
दाेलखा/दाेलखाकाे वैतेश्वर लगायत अन्य तीन स्थानिय तहमा नेपाल राहत शिक्षक समितिकाे दाेश्राे अधिवेशन नयाँ समिति चयन गर्दै सम्पन्न गरेका छन् ।
वैतेश्वरमा नेपाल राहत शिक्षक समिति वैतेश्वरका अध्यक्ष सुरेन्द्र पाेखरेलकाे सभापतित्त्व एवं जिल्ला अध्यक्ष पुस्कल दहालकाे प्रमुख आतिथ्यतामा अधिवेशन सम्पन्न भएको हाे । दाेश्राे अधिवेशनले दिपक कुमार तामाङकाे अध्यक्षतामा १३ सदस्यीय नयाँ समिति निर्वाचित गरेकाे छ।
समितिकाे उपाध्यक्षमा जनार्जन विसुराल र उषा लामा, सचिव शेषनारायण दहाल, सह सचिव सिर्जना घिमिरे, काेषाध्यक्ष सर्मिला तामाङ लगायत सदस्यहरु क्रमशः टीका ब खतिवडा, बद्रीनाथ घिमिरे, शंकर घिमिरे, करुणा काफ्ले, ढाल ब बस्नेत र पुष्पराज दहाल रहेका छन् ।
दाेलखा जिल्लाका धेरै माध्यमिक विद्यालयहरु राहत शिक्षक बाटै चल्दै आएका र एस इ इ मा उत्कृष्ट नतिजा ल्याउन सफल सम्म भएको कुरा सभाध्यक्ष पाेखरेलले बताउनु भयाे । मन्तव्यकै क्रममा नेपाल राहत शिक्षक केन्द्रीय समितिका अध्यक्ष खेमराज अधिकारिलाई नेपाल सरकारले किन्न सक्ने आसङ्का व्यक्त गर्दै जिल्ला अध्यक्ष दहाललाइ चनाखाे रहन अतिथि एवं निर्वाचित अध्यक्ष तामाङले आग्रह गर्नुभएको थियो । प्रमुख अतिथि दहालले अतिथि लगायत सम्पूर्ण उपस्थित शिक्षकहरुलाई अन्तिम आन्दोलनको लागि केन्द्र बाट हाइअलर्टमा बस्न निर्देशन आएकाे र केन्द्रीय अध्यक्ष अधिकारिले बागमती प्रदेशको अधिवेशनमा नेपाल सरकारले राहत शिक्षकहरुलाइ दमन गर्न खाेजे आफु वानेश्वर अगाडि मर्न समेत तयार रहेकाे बताउनु भएको भन्दै आफू पनि केन्द्रीय अध्यक्ष सँगै मर्न तयार रहेकाे बताउनु भएकाे थियो।
त्यसैगरि तामाकाेशि, भि न पा र गाैरिशंकरले पनि अधिवेशन सम्पन्न गरेका छन् ।
