प्रोण प्रताप केसी पेशाले कानुन व्यवसायी, राजनीतिक रुपमा इमान्दार र जनताहरुका समस्याहरुलाई नजिकबाट महशुस गर्न सक्ने खुवि भएका व्यक्तिमा पर्दछन् । ३ दशकको राजनीतिक यात्रामा पनि उत्तिकै सक्रिय र कुनै पनि नराम्रो आरोपको शिकार नभएका थोरै दोलखाका नेताको सूचिमा केसीको नाम पनि अग्रपंक्तिमा आउदछ । नविराउने र नडराउने उनेको बाल्यकालदेखिकै शैलि आज पनि जस्ताको त्यस्तै छ ।
वि.सं. २०२७ सालमा हालको तामाकोसी गाउँपालिका वडा नं. ५, सहरेको गोबर्धन्टारमा केसीको जन्म भएको थियो । उनले नेपाल ल क्याम्पसबाट एलएलवि र त्रिभुवन विश्वविद्यालयबाट राजनीतिक शास्त्रमा स्नातकोत्तरसम्मको अध्ययन गरेका छन् । नेपाली सेनामा भर्ना भएर ४ वर्ष सेवा गरेपछि जनताहरुसँग प्रत्यक्ष सरोकार राख्ने क्षेत्रमा आवद्ध भएर अगाडि बढ्ने अठोटका साथ २०५२ सालमा उनले सक्रिय राजनीति सुरु गरे । तत्कालिन प्रजातान्त्रिक राष्ट्रिय यूवा संघको जिल्ला सचिव हुँदै अध्यक्ष भएर लोकप्रिय मत ल्याएका केसी पार्टीको जिल्ला उपसचिवसम्म निर्वाचित हुन सफल भएका थिए ।
विशेषगरि, न्याय र मानव अधिकारको क्षेत्रमा केसीको दख्खल छ ।
मिजाशिलो स्वाभाव तर निडरपन नै प्रोण प्रताप केसीको पहिचान बनेको छ ।
२०७४ सालमा तामाकोसीमा एमालेले निर्वाचनमा करिव पराजय व्यहोरेको अवस्था थियो । त्यसैकारण, एमालेले जिल्लामा धाधली भएको उजुरी पनि दियो तर प्रोण प्रताप केसीले एमालेका लागि मालु, सहरे, च्यामा र हावाबाट सुर्य चिन्हहरुले भरिएका बुथहरु ल्याएर गाउँपालिकामा बुझाए ।
मतगणनाको सुरुवाती अवस्थामा, गाउँपालिका अध्यक्षका उम्मेदवार नै निराश थिए, तर एमालेले सान्दार विजय हासिल गर्यो । वास्तवमा यो जित प्रोण प्रताप केसीको थियो । तर, उनै गाउँपालि अध्यक्षले आफ्नो कार्यकालभरि केसीलाई कुनै मतलव गरेनन् । यसमा केसीको पनि कुनै गुनासो छैन् ।
केसी आफूलाई पशुपति चौलगाईको शिष्य मान्दछन् । केपि ओलीले प्रतिनिधिसभा भंग गरेर नेकपालाई फुटाएपछि स्व.चौलगाईसहित केसी पनि प्रतिगमनको विरुद्धमा सडकमा उत्रिएका थिए । अदालतको आदेशबाट एमाले र माओवादी पुनः अस्तित्वमा आएपछि बनेको नयाँ पार्टी एकिकृत समाजवादीको जिल्ला सचिव भएर केसी भूमिका निर्वाह गरिरहेका छन् ।
दोलखाका केहि गाउँपालिका र नगरमा स्थानीय तहको निर्वाचनका लागि ५ दलिय गठवन्धनको भागवण्डामा तामाकोसी, एकिकृत समाजवादीको भागमा परेको थियो । समाजवादीले तामाकोसीमा प्रोण प्रताप केसी केसीलाई अध्यक्षको उम्मेदवार बनाउने निर्णय गरेपछि, अहिले केसी समृद्धि र शुसासनको नारासहित तामाकोसी गाउँपालिका भित्रका मतदाताहरुको घरदैलो अभियानमा सक्रिय छ्न ।
यसमा सहयात्री दलहरु नेपाली कांग्रेस र माओवादी पनि संगै छन् । तामाकोसीमा गठवन्धनका पक्षमा निर्वाचनको माहोल बनिरहेको भन्दै केसीका समर्थकहरु सहजरुपमा विजयी हाँसिल गर्नेमा आशावादी देखिन्छन् ।
