३० चैत्र/आसन्न स्थानीय तहको निर्वाचनमा एमाले सहित तीन दल बिच देशभर गठबन्धन गरेर निर्वाचनमा जाने सहमति भएको छ।
यहि २०७९ बैशाख ३० गते हुने स्थानीय निर्वाचनमा नेकपा एमाले,राप्रपा नेपाल र नेपाल परिवार दल बिच गठबन्धन गरेर निर्वाचनमा जाने सहमति गरेका हुन।
आज नेकपा एमालेका वरिष्ठ उपाध्यक्ष ईश्वर पोखरेल र राप्रपा नेपालका अध्यक्ष कमल थापा सहितको उपस्थितिमा एमाले स्थानीय बिकास प्रमुख देवेन्द्र दहाल, राप्रपा का स्थानीय निकाय परिचालन बिभाग प्रमुख सुशील कुमार श्रेष्ठ र नेपाल परिवार दलका महामन्त्री सन्तोष कुमार पौडेल बिच सहमति पत्रमा हस्ताक्षर भएको हो।





