चरिकोट बहुउद्देश्यीय सहकारी संस्था लि. चरिकोट दोलखाको को दशौं वार्षिक साधारण सभा आज सम्पन्न भएको छ ।
साधारणसभा संस्थाका अध्यक्ष विकास चौलागाईको अध्यक्षतामा, जिल्ला सहकारि संघ लि. का उपाध्यक्ष देवी प्रसाद शर्माको प्रमुख आतित्थ्यतामा र भीमेश्वर नगरपालिकाका सहकारि विभाग प्रमुख नारायण प्रसाद सेढाई को विशेष आतिथ्यतामा सम्पन भएको हो ।
कार्यक्रममा संस्थाका सचिव वासु घिमिरेले संस्थाका वर्तमान गतिविधि तथा संस्थाका आगामी नीति तथा कार्यक्रम प्रस्तुत गर्नु भएको थियो भने संस्थाका कोषाध्यक्ष लिला बहादुर नेवारले करिब २ करोड ४० लाख ८५ हजार बराबरको आर्थिक प्रतिवेदन प्रस्तुत गर्नु भएको थियो ।
संस्थाले साधारण सभाको अबसरमा असल ऋणी सदस्य, उत्कृष्ट वचत कर्ता, बाल वचत कर्ता, उत्कृष्ट कर्मचारि लाई सम्मान समेत गरेको छ । कार्यक्रम नेपाल पत्रकार महासंघको सभाहलमा भएको थियाे ।